http://www.facebook.com/group.php?v=app_2373072738&ref=mf&gid=356962515480#/group.php?gid=356962515480

eller leggje igjen ein beskjed her:

http://tambarskjelvar.blogg.no/?c=1260147251

At det heller ikkje har kome inn ein trenar så ser eg meir og meir pessimistisk på heile opplegget. Det er tragisk å måtte “legge ned” etter berre to sesongar. I ei bygd med 2700 innbyggjarar der det er mykje bra å sjå på dei aldersbestemde laga, men fråverande interesse på den vaksne delen.

Eg er forbanna frustrert. Sjå på Hyen, ei lita vekkgøymd bondebygd i Gloppen med 600 (kanskje færre!) stolte hyarar som har eige fotballag og kanskje den beste nettsida i heile fylket. Her i Naustdal er det skamdårleg! Det er respektlaust overfor dei unge talenta i Tambarskjelvar at dei ikkje har noko seriøst å strekkje seg for i Naustdal dersom dei satsar litt, eller berre har ambisjonar om å spele herrefotball. Førde er berre ti minutt vekke, men det er trist å gi slipp på alle unge og lovande. Dei vil det bli mange av i åra framover.

Vi har alle føresetnader for å kunne lukkast og ha eit seniorlag som vi kan vere stolte av dersom dei som verkeleg seier at dei er med møter opp på trening – tenkjer meir på fotballen som Tambarskjelvar Idrettslag, som at ein er ein komponent i maskineriet.

Haldningsendringar er det som skal til. Ein kan byrje med å prioritere trening framfor Champions League, ta på seg stilongs og undertrøye om det er regn ute, setje kamp framfor Premier League (noko som ikkje vil bli eit problem om det vert lag i 2010 sidan 6. div har kampdag på ein av vekedagane).

Vi har fått kunstgrasbane, vi har tilbod på trening i hallen på fredagar – noko som ingen har vist interesse for. Før det var noko organisert for seniorane i Naustdal kunne det vere oppimot 25 på innetreningane. Engasjementet rotna på rot proporsjonalt med progresjonen i å opprette seniorlag. All kred til Narve og Roger som har gadda å leggje ned ein innsats trass ei til dels forbanna likegyldig haldning i spelargruppa.

Eg rundar av med å ønskje alle ei god jul, og håpar inderleg at vi alle vil ta i eit tak slik at Tambarskjelvar kan vere representert på seniornivå på herresida.