Tap i siste kamp.

Kampen starta på best mogleg måte for Tambar. Allereie etter to min var Vegard frampå og putta dagens første mål. Han skyter mellom beina på ein forsvarssplear og i lengste hjørne for keeper. Eit flott mål. Dette var opninga på ein god omgang av Tambar, der vi har det meste av spelet. Allikavel er det Førde som skal score mål først. Dei får eit frispark på hjørne av 16-meteren ( som var av den billege sorten) og venstrebacken kjem fram for å ta det med venstreslegga. Den er fininnstilt og sjølv om Bjørn Ø og Olav er på ballen, går den inn i næraste kryss. Dette resultatet står seg til pause.

I andre omgang er det meir jamnspelt, men vi skal få det første målet. Tore tar eit frispark og ballen går igjennom heile feltet. Dommaren ser derimot at Vegard blir holdt inne i feltet og dømmer straffe. Vegard tar den sjølv og scorar sikkert. 1-2. Spelet bølgar fram og tilbake, men i gjen skal Vegard vere frampå med ei scoring. Stian slår ein lang ball frå backen, Vegard er allereie på løp og headar ballen sikkert i mål. 1-3 og Vegard har scora sesongens første uekte hattrick for Tambar! I denne perioden har Tambar god kontroll på kampen. 20 min før slutt får Førde ei redusering etter eit frispark. Eit minutt etter reduseringa, får Vegard nok ein kjempesjanse. Hunders kjem seg rundt på venstrekanten og slår inn. Vegard headar på mål, men det står det ein Førdespelar på streken. Berre flaks for Førdespelaren og skikkeleg uflaks for Vegard. Dette resulatet står seg til det er fem min att. Då kjem Førde seg rundt på høgrekanten, slår inn i feltet og dei sklir inn utlikninga på bakre stople. Derfrå og ut går lufta ut av Tambarlaget. Vi er alle mann i angrep og Førde scorar to mål til. Den første på straffe, der vi får ein mann utvist. Den siste kjem på ei kontring.
Kampen endår 5-3 til Førde 3.

Dette var årets første kamp på naturgras og kampen byrja jamnt. Bjørn skulle score på sin første halvsjanse i kampen. Ballen blir lagt inn frå høgr, vi klarerar ikkje skikkeleg og Bjørn fangar opp andreballen. Den set dei sikkert i mål. 1-0. Resten av omgangen er det ikkje sjanser til nokon av laga. 1-0 til Bjørn.

Andre omgang startar med ei gjennomløping av Bjørn og dei scorar. 2-0 og litt av lufta går ut av Tambar. I dei neste 20 min har Bjørn heile spelet og scorar ein gong til etter corner. 3-0 til Bjørn.  Etter dette er det stillingskrig. Bjørn får ei billig straffe, men denne klarar dei ikkje å score på.
Kampen endar 3-0 til Bjørn.

Nok eit bittert tap mot Gaular.

Kampen vart spelt i øsande regnver og det verka som Tambar var best budd på dette. Allereie etter 30 sek. legg Gunnstein inn frå høgre og Narve kjem inn frå venstre kant. Han ser det er ledig i lengste hjørne og set ballen direkte i mål på heil volley. Ei herlig scoring. Eit minutt etterpå er Vegard på løp i midten, får legg frå høgre og headdar kontrollert i mål. 0-2 til Tambar etter tre minutt, det har ikkje vore vanleg denne sesongen. Gaular summar seg litt og prøver å spele seg inn i kampen. Tambar har god kontroll på alle langballane i store delar av omgangen. Gaular skal få si redusering etter ca 30 min. Nok eit lang oppspel blir dempa og ikkje klarert av Roger. Ballen ligg perfekt til for Gaular og dei får avslutte på mål. Olav reddar i første omgang, men Gaular set inn returen.
Tambar går til pause for første gong i år, i leiinga!

I andre omgang byrjar Gaular å pumpe ballar framover og dei klarar dessverre å score allereie etter fem minutt av andre omgang. Stillinga er 2-2. I denne perioden er Gaular frampå med ein del sjanser, utan at det er veldig farleg framfor Olav. Eit kvarter inn i kampen blir Ole Martin bytta inn og han presenterar seg med ein gong. Tambar får to sjanser til å spele han igjennom og lykkast den andre gongen. Aleine med keeper er Ole Martin iskald og chippar ballen over keeper. 2-3 til Tambar. Gaular gjev ikkje opp og fortset presset mot Tambar. Dette resulterar i på 3-3 og 4-3 leiing rett før slutt. Begge måla etter dødball. Tambar gjev heller ikkje opp og klarer med eit hodestøt frå Ole Martin å utlikne til 4-4 to minutt på overtid! Dermed trudde alle at dette skulle ende i poengdeling. Men det skjedde ikkje. Gaular får eit frispark, pumpar ballen inn og har flytta fem mann innanfor femmetern. Ballen er innom handa til ein av dei, tre spring ned keeper og dommer godkjenner målet. Det føltest veldig bittert og urettferdig, sett med Tambarauge. Tambar får ein siste sjanse på frispark, men klarer ikkje å utnytte denne situasjonen. Gaular vinn 5-4.

Det er veldig bittert å tape to kampar mot Gaular, der dei scorar vinnarmålet på overtid og ved tvilsomme situasjonar. Men det har kjenneteikna oss heile sesongen og det er berre til å brette opp shortsen i dei siste kampane. Det var mykje positivt å ta med seg etter denne kampen.

Godt med poeng att!

Kampen starta på verst tenkeleg måte for Tambar. Innan eit minutt var spelt fekk Kaupanger ei billig straffe. Den sette dei sikkert i mål og nok ein gong fekk vi oss ein trøkk heilt i starten av ein kamp. Kaupanger har eit par farlege sjansar til heilt i starten av omgangen, men det er ein jamnspelt omgang. Tambar har ein del sjansar også, utan at det gjev tellande resultat.
Omgangen endar 0-1 til Kaupanger.
I andre omgang er det Tambar som pressar mest og har dei farlegaste sjansane. Målet kjem etter at Narve slår ein fin stikkar til Vegard, som er på løp. Han avanserar til ca 12-13 meter og setter ballen pent i mål oppe i hjørnet med venstrefoten! Ei flott scoring. Etter dette fortset Tambar å produsere farlege sjansar, utan å lykkast med å sette ballen i mål. I denne omgangen har Kaupanger ingen store sjanser. Det einaste er nokre langskot som gjekk utanfor mål.
Sluttresultatet vart 1-1.

Tap i Dale.

Kampen var berre eit par-tre minutt gamal då Dale fekk sitt første mål. Det var ein corner som ikkje vart klarert skikkeleg og etter å ha passert tre Tambarspelarar, gjekk ballen i mål. Dette var gjenngangsmelodien i første omgang. Banespelet var nokolunde jamnpelt, med eit lite overtak til Dale og dei scora på dødballar. 2-0 kom også etter ein corner, der ein Dalespelar står aleine på 16 meter og set den i lengste hjørne. 3-0 kom på ein gjennomløpning i midten og 4-0 vart scora frå nærast død vinkel rett før pause.
Resultatet til pause var dermed 4-0.

I andre omgang har Dale det største presset og scorar 5-0 på straffe. Dei får nok ei straffe litt seinare, men denne reddar Olav. 6-0 kjem etter ein corner og Dale har scora 5 av 6 mål etter dødball.
Etter dette er Dale nøgd/slitne og vi spelar oss fram til ein del sjansar på slutten. Det blir med det eine målet til Tore, der han blir spelt fint igjennom av Kristoffer.
Dette var nok ein slitekamp for Tambar og typisk for eit lag i motgang, so kjem måla litt for lett imot.
No får vi berre kjempe vidare og satse på større poengfangst i neste heimekamp.

Stortap i den første kampen etter sommarferien.
Kampen starta med to kjappe mål av V/H 2. Innan fem minuttar hadde dei komt rundt på kantane og scora på dei to første sjansane. Dette var ein smel for oss, men vi klare etter dette å heve oss og hadde faktisk presset dei neste ti-femten minuttane. Vi scorar etter ti minutt, der Tore får ein ball på hjørne av 16-meteren og smeller inn redusering. Etter målet held vi presset oppe og kjem oss til nokre sjansar. Midt i denne perioden får V/H2 nok eit mål og vi går på den berømte Kongsbergknekken. Dermed følgjer dei opp med to mål til i løpet av det siste kvarteret og vi går til pause med 1-5 i bagasjen.

I andre omgang fortset V/H å presse oss. Dei har eit fast spelemønster og er trygge i det dei skal gjere. Men dei scorar ikkje mål før det blir laga eit noko unødvendig straffespark midt i andre omgang. Olav reddar straffa, men dei er kjappast på returen og set inn 1-6. Etter dette opnar kampen seg ennå meir og det er mykje spel fram og tilbake. V/H scorar eit mål til ti minutt  før slutt og fastset sluttresultatet til 1-7.

Målscorarar: Vegard Savland 2, Narve, Gunnstein og Torgeir.

Desse spelte: Olav, Thomas Ø, Villy, Roger, Thomas S, Stian, Narve, Hallvard, Bjørnar, Vegard og Gunnstein. Desse kom inn: Ole Bertil, Torgeir, Espen og Marius.

Nok eit ettmålstap, den fjerde i rekka.
Denne kampen føyer seg i rekka av kampane i det siste. Vi er fullt på høgde med motstandarane, men tapar med eit mål. Vi spelar tidvis god fotball, men scorar for lite til å vinne kampane. Kampens augneblink var når Thomas prikka inn målet vårt i vinkelen Attpåtil frå midtbana….
Stillinga til pause var 1-2.
Les meir utfyllande referat her

Referat frå kampen les du her

Nok eit bittert poengtap på slutten.
Kampen starta med eit viss press frå Tambar. Vi var rolegare med ballen i laget og spelte oss til eit par- tre sjansar dei første 20 min. Narve var berre ei heldig Gaulartå frå å gje oss leiinga etter ca. 15 min. Gaular spelte mykje langt og det var stort sett på dødballar dei var farlege i første omgang. Og det var slik det første målet kom etter ca 20 min. Gaular tar ei kontring og får frispark på 20 meter. Frisparket får vi aldri klarert, etter at dei slår inn og det er duellar i feltet. Dermed får ein Gaularspelar prikke inn 0-1 frå 17 m. Resten av omgangen bølgar spelet, utan at nokon klarar å score.

I andre omgang fortset Tambar med det gode spelet og etter å ha brent eit par- tre gode moglegheiter, blir Tore spelt fri 10 min inn i omgangen. Tore gjer ingen feil og det er 1-1. I denne perioden er vi gode og har mange sjansar, m.a ein i stanga frå Tore, utan at vi klarer å score. Etterkvart blir vi slitne og Gaular får litt meir rom på midten. Dei kjem til ein del halvsjansar, men aldri noko farleg. 5 min før slutt kjem avgjersla. Etter nok ein lang ball frå Gaular, der spelar og ball er på veg vekk frå mål, er vi uheldige og kjem borti spelaren. Det ser slik ut i alle fall. Straffe og 1-2.

I denne kampen løftar vi oss veldig i forhold til tidlegare kampar og vi spelar til tider god fotball. Sett med Tambarauge, hadde ikkje Gaular ein einaste sjanse i kampen som kom etter spel. Dei har to dødballar som dei set. Dette er er bra av Gaular, men dårleg av oss. Held vi fram med den stigninga vi er inne i, vil den første sigeren snart komme.